“Peneirando”, o primeiro traballo discográfico de Renato Spencer e Café Caxaça, é o resultado de cinco anos de convivencia entre Renato e músicos de diversas orixes tanto xeográficas como musicais que residen en Galicia.
Rumba e forró, tamboril e zabumba, muiñeira e afoxé, gaita e cavaquiño, mestúranse de forma natural en “Peneirando” con ritmos e sons, temas propios e versións de músicas populares brasileiras e galegas. A participación no “XV Festival Janeiro de Grandes Espetáculos” en 2009 na cidade natal de Renato, Recife, foi o impulso definitivo para a realización deste traballo.